Ministri i Shëndetësisë, Armend Zemaj, sot ka pritur në takim në zyrën e tij, sekretarin e Bashkësisë Islame, Ahmet Sadriu dhe Ipeshkvin Imzot Dodë Gjergji, me të cilët biseduan për menaxhimin dhe zbatimin e masave kundër COVID-19 në institucionet fetare.

Zemaj ka shprehur falënderimin e tij për angazhimin e Bashkësisë Islame të Kosovës dhe Ipeshkvisë, në përkrahje të institucioneve për ruajtjen e shëndetit publik në përballje me pandeminë e koronavirusit.

Ai gjatë takimit ka apeluar  te të gjithë qytetarët në veçanti besimtarët në institucionet fetare të kenë kujdes duke respektuar masat e ndërmarra nga Qeveria, për të ruajtur shëndetin e të gjithëve nga virusi COVID-19. /Gazeta Sinjali/