Kryetari i Sindikatës së Pavarur të Sektorit Privat të Kosovës, Jusuf Azemi është takuar sot me ministrin e Shëndetësisë, Armend Zemaj.
Në këtë takim u bisedua për futjen në listë të benificioneve punëtorët teknik dhe të sigurimit fizik në institucionet shëndetësore ashtu siç janë mjekët dhe infermierët.
Pika tjetër ishte kthimi i këtyre punëtorëve nën ombrellën e shtetit siç kanë qenë para se te privatizohen.
Në një komunikatë për media nga SPSPK, thuhet se ministri Zemaj u zotua se kërkesën e sindikatës do ta shqyrtoj së bashku me kryeministrin Hoti dhe të vijnë me një vendim adekuat.
