Ministri i Shëndetësisë, Armend Zemaj, ka njoftuar se gjatë ditës së sotme ka vizituar Klinikën Infektive, duke shtuar se së bashku me drejtorin e ShSUK-së dhe stafin e Klinikës u dakorduan për hapat e ardhshëm për parandalimin e koronavirusit.

Ndryshe, Zemaj ka bërë të ditur se për ta parandaluar këtë pandemi së shpejti do të ketë strategji të testimit dhe avansim të shërbimeve shëndetësore në Kosovë, transmeton Gazeta Sinjali.

“Për të kaluar sa më lehtë kjo gjendje e pandemisë, shumë shpejtë do të kemi edhe strategjinë e testimit dhe avansimin e shërbimeve shëndetësore në gjithë Kosovën”, ka shkruar Zemaj. /Gazeta Sinjali/