Ministri i Shëndetësisë, Armend Zemaj ka vizituar sot Klinikën e Pulmologjisë dhe Shërbimin e dializës në QKUK.

Zemaj gjatë kësaj vizite u njoftua me punën që po bëhet aty, angazhimin dhe sfidat e personelit shëndetësor.

“Është shumë me rëndësi që në këtë periudhë të ngarkesës së madhe të personelit shëndetësor me trajtimin e rasteve me Covid-19, por edhe të rasteve me sëmundje të tjera, që t’i mbështesim ata si institucione, ndërsa nga qytetarët kërkohet kujdes edhe më i madh me qëllim që puna e tyre mos të rëndohet”, ka shkruar Zemaj në Facebook.

Tutje, Zemaj ka shtuar se solidariteti për njëri-tjetrin nënkupton zbatimin me përgjegjësi të masave të dhëna nga profesionistët shëndetësor. /Gazeta Sinjali/