Ministri i Shëndetësisë, Armend Zemaj ka shikuar nga afër procesin e zgjedhjeve që po mbahet në Komunën e Podujevës, shkruan Gazeta Sinjali.

Ai tha se fitues i zgjedhjeve në këtë qytet do të duhet të jenë ata që kanë punuar, duke mos përmendur as LDK-në apo VV-në.

“Ata që kanë punuar për qytetarët e Podujevës edhe do të jenë fitues”, tha Zemaj.

Po ashtu, ai ka theksuar se të hënën pasdite së bashku me IKSHP-në dhe Bordin do të shikojnë eventualisht për të marrë masa për uljen e infeksionit së koronavirusit në vend.

“Të hënën pasdite do të ulemi të bisedojmë me IKPSH dhe Bordin dhe nëse është e nevojshme që të ndërmarrim edhe ndonjë masë që e ulë infeksionin dhe zbrit rastet spitalore që janë shqetësimi më i madh”, tha ai.

“Të gjitha rekomandimet që vijnë nga profesionistët, edhe për mbyllje, do ta shohim edhe ditën për kufizimet që duhet të ndërmarrim. Mbyllja është opsioni i fundit”. /Gazeta Sinjali/