Presidenti ukrainas, Volodymyr Zelensky, ka thënë se sulmi rus i mëngjesit të sotëm në sektorin energjetik të Ukrainës kishte shënjestruar objektet e gazit të rëndësishme për furnizimin e Bashkimit Evropian.
“Objektivi kryesor ishte sektori i energjisë, objektet e ndryshme në industri, si objektet e tranzitit të energjisë elektrike ashtu edhe të gazit”, tha ai përmes një video.
“Në veçanti, ato objekte të gazit që janë vendimtare për të siguruar dërgimin e sigurt në Bashkimin Evropian”, shtoi Zelensky, raporton Sky News.
Moska më herët pretendoi se sulmet e saj ishin “në përgjigje të përpjekjeve të regjimit të Kievit për të dëmtuar objektet energjetike dhe industriale ruse”.