Është bërë i ditur shkaku i vdekjes së aktorit të njohur Sam Neill, i cili ndërroi jetë në moshën 78-vjeçare në një spital në Sidnei.
Agjenti i tij, Philip Grenz, ka konfirmuar se aktori nga Zelanda e Re vdiq nga pneumonia, duke sqaruar gjithashtu se disa raportime të mëparshme në media për gjendjen e tij shëndetësore nuk ishin të sakta.
Neill, i njohur për rolet e tij ikonike në filmat “Jurassic Park” dhe serialin “Peaky Blinders”, kishte kaluar vitet e fundit duke u përballur me një diagnozë të limfomës jo-Hodgkin, një lloj kanceri në gjak.
Megjithatë, familja e tij ka bërë të ditur se në kohën e vdekjes ai ishte pa kancer, pasi kishte përfunduar trajtimin dhe kishte hyrë në fazën e remisionit.
Sipas agjentit të tij, Neill kishte vazhduar të punonte edhe gjatë periudhës së fundit të jetës, duke përfunduar disa projekte filmike që pritet të publikohen në muajt e ardhshëm.
Sam Neill lindi në Irlandën e Veriut dhe u rrit në Zelandën e Re. Gjatë karrierës së tij disa dekadëshe, ai u bë një nga aktorët më të respektuar të kinemasë ndërkombëtare, duke lënë pas një trashëgimi të rëndësishme në film dhe televizion.
Sinjali – aty ku e vërteta flet para lajmit!