image Zbulohet identiteti i personit që dyshohet se sulmoi seksualisht 6-vjeçaren në Prishtinë, publikohen pamjet

Zbulohet identiteti i personit që dyshohet se sulmoi seksualisht 6-vjeçaren në Prishtinë, publikohen pamjet

news image

Gazeta Sinjali sot raportoi për një rast të trishtë që dyshohet se ka ndodhur dje pasdite në Prishtinë, ku një nënë ka denoncuar në Polici shitësin e marketit të lagjes ku jeton, me pretendimet se ai ka sulmuar seksualisht vajzën e saj 6-vjeçare. Policia ka arrestuar 51-vjeçarin e dyshuar, i cili me vendim të prokurorit është dërguar në mbajtje për 48 orë.

Sinjali mëson ekskluzivisht nga burimet e veta se personi që u arrestua nën dyshimet për kryerjen e veprës penale ‘Sulm seksual’, është Hamit Mramori, shitës në marketin ‘Mita’ në rrugën ‘Qamil Bala’ në kryeqytet.

Ndërkohë janë publikuar edhe pamjet e momentit kur qytetarë që kanë parë ngjarjen janë përballur me Mramorin, të cilët thonë se kanë parë të dyshuarin teksa ka sulmuar seksualisht vajzën e mitur.

Po ashtu e pranishme është edhe nëna e 6-vjeçares, e cila deklaron se vajzën e ka lënë ‘në besë’ të shkojë vetëm në market të blejë akullore dhe pije për vete, por nuk e ka ditur se mund t’i ndodhte diçka e tillë.

Banorët e lagjes dëgjohen teksa kërkojnë nga Mramori që ta lëshojë ‘mahallën’ deri më datën 1 të muajit gusht.

Detajet ekskluzive lidhur me rastin mund t’i gjeni në linkun e mëposhtëm.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata. 

/GazetaSinjali/