Gazeta Sinjali sot raportoi për një sherr që ka ndodhur dje pas një aksidenti në trafik në rrugën magjistrale Prishtinë – Mitrovicë, saktësisht në Milloshevë. Një mërgimtar nga Gjermania dyshohet se ka sulmuar fizikisht shoferin me të cilin u aksidentua dhe si pasojë u arrestua nga Policia.
Sinjali mëson se i dyshuari është Agim Zejnullahu, 47-vjeçar.
Si pasojë e sulmit nga Zejnullahu, 53-vjeçari ka pësuar lëndime trupore dhe i njëjti ka kërkuar ndihmë mjekësore në spital.
Ndërkohë i dyshuari është arrestuar dhe është shoqëruar në stacion policor, ku është intervistuar nga organet e hetuesisë.
Me urdhër të prokurorit, 47-vjeçari është dërguar në mbajtje dhe do të hetohet nën dyshimet për kryerjen e veprës penale ‘Lëndim i lehtë trupor’.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.