image Vulin: Kurti po përgatitet për konflikt me Serbinë, Perëndimi po e financon - Sinjali

Deklarata/ Vulin: Kurti po përgatitet për konflikt me Serbinë, Perëndimi po e financon

news image

Ministri i Mbrojtjes në qeverinë e Serbisë, Aleksandar Vulin, me gjuhë të urrejtjes dhe racizëm ka thënë se kryeministri i ri i Kosovës, Albin Kurti po e përgatit ushtrinë për konflikt me Serbinë.

Në një intervistë, Vulin tha se idenë e Kurtit do ta financojë Perëndimi, ndërkaq shërbimin ushtarak në Kosovë e cilëson rrezik për stabilitet në Ballkan, transmeton Gazeta Sinjali.

“Serbia që dy vjet e ka paralajmëruar gjithë botën për formimin e Ushtrisë së Kosovës. Në atë që i keni dhënë në dorë mekanizma të ushtrisë terroristëve të padënuar, e nganjëherë edhe të dënuar për krime lufte, i jepni armatim të rënë dhe prisni të ketë paqe në territorin e Kosovës e Metohisë prisni të mos e përdorin atë armatim të rëndë”, është shprehur ministri serb.  

Vulin thotë se do ta dërgojë një gjeneral që të pyes NATO-n se si e shohin propozimin e Kurtit për ta bërë të obligueshme kryerjen e ushtrisë në Kosovë.

“Më intereson shumë të shoh cfarë ka për të thënë NATO, a do të heshtë sikur deri tani kur ishte në pyetje formimi i ushtrisë së Kosovës”

“Fatkeqëisht nuk është hera e parë në histori, kur serbët shërbejnë në një ushtri ku qëllimi i ekzistencës së saj është konflikti me serbët dhe Serbinë”

Ai thotë se rajoni po shkon drejt konfliktit, që sipas tij, e ka paralajmëruar që para dy vitesh.

Vulin thotë se ndërkombëtarët thonin se ushtria e Kosovës nuk do të ketë kapacitet dhe do të shndërrohet në ushtri në vërtetë vetëm pas 10 vjetësh.

Ndërkaq, Vulin supozon se projekti i shërbimit ushtarak mund të financohet nga diaspora, nga paratë e drogës, por beson se edhe Perëndimi do të ndihmonte Kosovën.

“Shqiptarët nuk i kanë ato para. Ajo që dimë për buxhetin e tyre, ajo që e dimë rreth funksionimit të ekonomisë së tyre e cila në të verterë nuk ekistone. E dini, ai territor financojhet 60 për qind nga doganat dhe akcizat dhe pjesën tjetër nga donacionet”,

“Nëse diaspora, nëse narkokapitali vendos të investojë në të atëherë me siguri do të mund t’i ndihmojnë. Por kjo nuk mund të realizohet pa fuqinë e mëdha të cilat e kanë pranuar Kosovën. Nuk mund të bëhet pa të hollat e Perëndimit dhe për këtë do të flasë me NATO-n”, tha ai. /Gazeta Sinjali/


Shpërndaje artikullin