Presidenti i Serbisë, Aleksandar Vuçiq, u ka dërguar ngushëllime familjeve të viktimave nga zjarri në Tetovë, transmeton Gazeta Sinjali.
Ai ka thënë se Serbia ndan “dhimbje të mëdha” me njerëzit e Maqedonisë Veriore dhe është e gatshme t’i japë “ndihmë vëllazërore” këtij vendi.
Vuçiq, bisedoi sot me kryeministrin maqedonas, Zoran Zaev, dhe, me rastin e zjarrit në spitalin në Tetovë, shprehu ngushëllimet e tij në emër të të gjithë qytetarëve serbë për familjet e viktimave dhe qytetarë të Maqedonisë Veriore.
Në të njëjtën kohë, ai i tha kryeministrit maqedonas se Serbia është e gatshme të ofrojë çdo ndihmë.
“Qytetarët e Serbisë janë në dhimbje së bashku me njerëzit në Tetovë. Ne jemi të gatshëm të ofrojmë çdo ndihmë vëllazërore, sepse qytetarët e Maqedonisë nuk janë vetëm në këtë tragjedi”, tha Vuçiq në një bisedë telefonike me Zaev, shkruan Tanjug.
