Një shqiptar ka rënë në prangat e policisë në Itali, pasi vrau me thikë 52-vjeçarin Nazzareno Paolo Teti në Romë në zonën via Borghesiana. Ngjarja e rëndë ndodhi mbrëmjen e djeshme.
Shqiptari 47-vjeçar dyshohet se ka goditur në qafë viktimën e cila po qëndronte në rrugë dhe më pas ka ikur. Motivi i krimit gjendet në marrëdhënien sentimentale që kishte krijuar mes bashkëshortes së shqiptarit dhe viktimës.
“Hetimet, të kryera menjëherë pas faktit nga ekipi celular i Romës, falë ndihmës së kamerave video dhe dëshmive të drejtpërdrejta, të vërtetuara nga lloje të ndryshme hetimesh dhe gjetjesh, çuan në identifikimin e autorit të dyshuar, në një kohë shumë të shkurtër”, sqarohet nga policia.
I dyshuari është vënë në gjurmë në një parking dhe është arrestuar thuajse në mënyrë flagrante. /abcnews.al
