Një vrasje ka ndodhur në fshatin Novosellë të Pejës, shkruan Gazeta Sinjali.

Këtë e ka konfirmuar për Sinjalin edhe Fadil Gashi, zëdhënës i policisë rajonale në Pejë.

Gashi ka thënë se për rastin janë njoftuar rreth orës 14 e 40 teksa me të arritur në vend të ngjarjes kanë hasur në një person të shtrirë, vdekjen e të cilit më pas e ka konstatuar ekipi mjekësor.

“Rreth orës 14 e 40 minuta policia është njoftu për një vrasje në fshatin Novosellë . Menjëherë policia ka arritur në vendin e ngjarjes. Me të arritur aty ka hasur në një person të shtrirë. Është njoftu emergjenca, ka dalë në vend të ngjarjes. Mjeku kujdestar ka konstatu vdekjen. I dyshuari është në arrati dhe po kërkohet. Në vend të ngjarjes kanë dalë të gjitha njësitet relevante po ashtu edhe prokurori i shtetit. Nuk dihet ende për motivet, këtë do ta tregojnë hetimet”, ka deklaruar Gashi për Sinjalin. /Gazeta Sinjali/