Një person është vrarë pasditen e sotme në fshatin Novosellë të Pejës, shkruan Gazeta Sinjali.
Krimin e kanë konfirmuar edhe Policia e Kosovës.
Gazeta Sinjali nga burimet e saj mëson se viktima dhe dorasi ishin familjarë mes vete, më konkretisht djem të axhës.
Mësohet se viktima është Bashkim Brahimi kurse i dyshuari Faton Brahimi.
Siç mëson Sinjali, vrasja dyshohet se ka ndodhur për motive pronësore.
Ndërsa, mësohet se i dyshuari është ende në arrati.
Rastin e vrasjes për Sinjalin e konfirmuan edhe nga policia rajonale në Pejë.
“Rreth orës 14 e 40 minuta policia është njoftu për një vrasje në fshatin Novosellë . Menjëherë policia ka arritur në vendin e ngjarjes. Me të arritur aty ka hasur në një person të shtrirë. Është njoftu emergjenca, ka dalë në vend të ngjarjes. Mjeku kujdestar ka konstatu vdekjen. I dyshuari është në arrati dhe po kërkohet. Në vend të ngjarjes kanë dalë të gjitha njësitet relevante po ashtu edhe prokurori i shtetit. Nuk dihet ende për motivet, këtë do ta tregojnë hetimet”, ka deklaruar zëdhënësi i policisë rajonale në Pejë, Fadil Gashi.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.