Policia e Kosovës ka njoftuar se është gjobitur një shofer i cili në zonë të kufizimit të shpejtësisë ku është e lejuar deri në 100km/h, i njëjti ka vozitur 240km/h.
Sipas Policisë, shoferi është gjobitur 300 euro, 3 pikë negative dhe 3 muaj iu është ndaluar drejtimi i automjeteve.
“Do të vazhdojmë me ndërmarrjen e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor“, thuhet në njoftimin e Policisë.
Ndryshe, javën që shkoi, Policia e Kosovës ka shqiptuar mbi 12 mijë gjoba trafiku.
