Vetëm gjatë vitit 2021, në Klinikën e Onkologjisë në QKUK, janë identifikuar 1 mijë e 626 raste të reja me sëmundje të kancerit, raporton Gazeta Sinjali.

Shërbimi Klinik, Universitar i Kosovës njofton se nga këto raste, 400 ishin me kancer në gji, 214 raste me kancer në mushkëri, 391 raste me kancer në traktin gastrointestinal, 419 raste me kancer në sistemin urgjenital dhe gjinekologjik, si dhe 205 raste me kancer në regjionin kokë-qafë.

“Gjatë vitit 2021, gjithashtu, në Klinikën e Onkologjisë ishin të shtrirë 356 pacientë për trajtim. Nga janari deri në dhjetor në këtë klinikë janë ofruar mbi 300 mijë shërbime të ndryshme onkologjike, mes tyre 105 seanca të brahiterapisë, mbi 11 mijë seanca të rrezatimit, më shumë se 29 mijë terapi me citostatikë dhe më tepër se 1 mijë pacientë janë trajtuar me radioterapi”, thuhet në njoftimin e ShSKUK-së./GazetaSinjali/