Bëhet e ditur se filmi “Virgjëresha Shqiptare” ka fituar çmimin e filmit më të mirë, përderisa aktorja Rina Krasniqi është shpallur aktorja më e mirë me rolin e “Luanës” në “Noli Film Festival 2024”- Boston.
Filmi “Virgjëresha Shqiptare”, me regji të Bujar Alimanit, ka fituar çmime në festivale të ndryshme të filmit, si në Varshavë, Belgjikë, po ashtu dhe në Prishtinë, në PriFest ku ka fituar çmimet kryesore.
Përveç aktores Rina Krasniqi, aktorë të tjerë që janë pjesë e filmit janë Nik Xhelilaj, Astrit Kabashi, Gresa Pallaska, Lulzim Zeqja, dhe të tjerë. Filmi është bashkëprodhim i Kosovës, Shqipërisë, Gjermanisë dhe Belgjikës. /kultplus