Për shkak të vjedhjes së cigareve nga Zona e Lirë, në Portin e Tivarit është arrestuar themeluesi dhe drejtori ekzekutiv i kompanisë “Peroçeviq” MP. (44) nga Tivari dhe D.D. (42), i punësuar në Drejtorinë e të hyrave dhe doganave, njofton policia.
Policia rreth orës 11 është njoftuar se është dëmtuar vula doganore në portën e magazinës së kompanisë “Montenegro duvan comerc”, e cila ndodhet në Zonën e Lirë të Portit të Tivarit, pas së cilës u konstatua se mungonin 11.349 pako me lloje të ndryshme cigaresh.
Policia thekson se 8.829 pako të zhdukura janë objekt i procedurës penale nga Prokuroria Speciale e Shtetit, me urdhër të së cilës janë vendosur në depon e përmendur.
Dyshohet se vula është hequr nga magazina në momentin kur Porti i Tivarit është evakuuar për shkak të denoncimit për bombën, e cila më pas rezultoi se ishte false, raporton rtcg.
“Asgjë nuk është e rastësishme, konfirmoj dyshimin tim të mëparshëm se ka një lidhje të caktuar mes krimit dhe përfaqësuesve të drejtpërdrejtë dhe personave të autorizuar në Dogana dhe Portin e Tivarit”, tha dje Milena Petriçeviq, drejtore e Administratës për TVCG, pas informacioneve për zhdukjen e cigareve.
