Mëngjesin e djeshëm në rrugën ‘Nëna Terezë’ në Gjakovë ka ndodhur një aksident trafiku ku është përfshirë edhe një veturë e Policisë së Kosovës, raporton Gazeta Sinjali.
Sinjali mëson se deri te aksidenti ka ardhur si pasojë e pakujdesisë së shoferit me veturën civile, i cili nuk kishte mbajtur distancën e duhur mes automjeteve.
Si pasojë e aksidentit, janë lënduar dy policë të cilët ndodheshin në veturën zyrtare të Policisë dhe të njëjtit janë dërguar në Emergjencën e Spitalit të Gjakovës për ndihmë mjekësore.
Burimet e Sinjalit bëjnë të ditur se gjendja e tyre shëndetësore është stabile dhe ata janë jashtë rrezikut për jetë.