image Vetëm 2% e pasurisë së Elon Muskut mund të zgjidhte problemin e urisë në botë

Botë

Vetëm 2% e pasurisë së Elon Muskut mund të zgjidhte problemin e urisë në botë

news image

Një grup i vogël individësh jashtëzakonisht të pasur mund të ndihmojë në përballimin e urisë në botë me vetëm një pjesë të vlerës së tyre neto, tha drejtori i Programit Botëror të Ushqimit të Kombeve të Bashkuara (WFP).

Miliarderët duhet të ndërmarrin një hap përpara vetëm një herë, tha David Beasley për CNN, duke theksuar dy personalitetet më të pasura në botë, Jeff Bezos dhe Elon Musk.

“Gjashtë miliardë dollarë për të ndihmuar 42 milionë njerëz që do të vdesin nëse nuk i arrijmë. Kjo nuk është e komplikuar”, shtoi ai.

Musk, shefi ekzekutiv i Tesla-s, ka një vlerë neto prej afro 289 miliardë dollarësh, sipas Bloomberg, që do të thotë se Beasley po kërkon një dhurim prej vetëm 2% të pasurisë së tij.

Pasuria neto e miliarderëve amerikanë pothuajse është dyfishuar që nga fillimi i pandemisë së koronavirusit dhe arriti në 5.04 trilionë dollarë në tetor, sipas Institutit për Studime Politike dhe Amerikanëve për Drejtësinë Tatimore.

“Stuhia e përsosur” e disa krizave, siç janë ndryshimi i klimës dhe pandemia COVID -19, do të thotë që shumë shtete “po trokasin në derën e urisë”, tha Beasley.

Gjysma e popullsisë së Afganistanit, një vend prej 22.8 milionë banorësh, po përballet me një krizë akute urie, sipas një raporti të WFP-së, të 25 tetorit, raporton REL.

Papunësia e madhe dhe kriza e likuiditetit nënkuptojnë se vendi është në prag të një krize humanitare dhe 3.2 milionë fëmijë nën moshën pesë vjeç janë në rrezik, përfundon raporti./GazetaSinjali/