Është vetëdorëzuar Ardit Zymberi, njëri nga të dyshuarit për vrasjen e Albert Mujës, mesnatën e së shtunës në Mitrovicë, raporton Gazeta Sinjali.

“Si rrjedhojë  e hetimeve të vazhdueshme  në kërkim të  dy- personave të dyshuar për veprën penale  vrasje e rëndë e ndodhur  me datën 30 tetor 2021, në Mitrovicën e Jugut, në orët e paradites së sotme të datës 2 nëntor 2021, njëri nga të dyshuarit A. Z., 23 vjeçar shtetas i Republikës se Kosovës  është vetëdorëzuar”, njofton policia.

23-vjeçari me vendim të prokurorit, është ndaluar për 48 orë.

Ndërkaq, policia është në kërkim të 21-vjeçarit Lundrim Beqirit, të dyshuarit tjetër për këtë vrasje.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./Gazeta Sinjali/