U kënaqët gjatë seksit?! Tani duhet të mbani vath ne vesh të gjithë këshillat që do t’ju rendisim më poshtë për gjërat që duhet të bëni menjëherë pas seksit, për të mbajtur trupin sa më shëndetshëm.
Mos harro të shkosh në tualet
Edhe përse nuk duket shumë seksi të shkosh menjëherë në tualet, kur përfundon marrëdhënien seksuale por është një gjë që duhet bërë. Sipas ekspertëve të seksit, vagina juaj do t’ju falenderojë sepse do të nxirrni jashtë të gjitha bakteret që janë brenda.
Bëj dush ose një banjë por mos përdor ujë shumë të nxehtë
Të gjithë ekspertët e seksit kanë rënë dakord se dushi pas seksit, është një magji më vete sepse ndiheni sikur keni rilindur. Por duhet të bëni kujdes me ujin e nxehtë, pasi rrit risqet e infeksionit.
Mos përdor produkte me aromë për zonën intime
Në mënyrë kategorike, mos përdorni asnjë produkt me aromë si xhel, apo locione të ndryshme në zonën intime pas seksit sepse mund të irritojë lëkurën. Sipas ekspertëve, këto produkte mund të kenë një efekt negativ dhe shkaktojnë infeksion në zonën e vaginës.
Mos përdor produktet e seksit nëse nuk i keni pastruar më parë
Mos neglizhoni në asnjë moment të pastroni produktet e seksit, nëse janë përdorur më parë. Pastrojini me ujë të nxehtë dhe solucione, në të kundërt rreziku për infeksion është shumë i madh.
Mos vesh të brendshme super të ngushta pas seksit
Nuk është ideja më e mirë e mundshme të veshësh të brendshme të ngushta pas seksit. Ose mos vish asgjë, ose vish të brendshme të gjëra dhe lëre vaginën të marrë frymë e qetë. Sipas ekspertëve të seksit, kur zgjedhim të brendshme të ngushta rreziku për të përhapur bakteret është shumë herë më i madh.
