image Vazhdojnë kërkesat për lehtësim të masave antiCOVID - Sinjali

Vazhdojnë kërkesat për lehtësim të masave antiCOVID

news image

Kërkesat për rishqyrtim të orës policore dhe masave të tjera antiCOVID po vazhdojnë.

Avokati i Popullit ka publikuar opinionin juridik, i cili ka të bëjë me atë se sa janë të arsyeshme masat antiCOVID, të marra së fundmi nga Qeveria e Kosovës.

Përmes këtij opinioni Avokati i Popullit, ka shprehur qëndrimin se duhet të rishqyrtohen masat e kufizimit të lëvizjes.

Ky opinion po ashtu thekson se praktikat e vendeve të rajonit tregojnë se asnjëra prej tyre nuk kërkon nga qytetarët që hyjnë në territoret e tyre t’i kenë tri doza të vaksinës. Tutje opinioni gjen se pjesa më e madhe e shteteve, që nga fillimi i pandemisë, në hyrje-dalje të kufijve të tyre i kanë pranuar testet “antigen”, të cilat janë më të shpejta dhe më të përballueshme për xhepin e qytetarëve. Ndërsa në pikat kufitare të Kosovës, qytetarëve u kërkohet testi RT-PCR, i cili është dyfish më i shtrenjtë dhe merr më shumë kohë për t’u përpunuar në laborator. /Gazeta Sinjali/


Shpërndaje artikullin