Zëvendëspresidenti i Shteteve të Bashkuara, JD Vance, ka deklaruar se afati 60-ditor për arritjen e një marrëveshjeje përfundimtare me Iranin ka nisur zyrtarisht.
Duke folur gjatë një brifingu me gazetarë në Shtëpinë e Bardhë, Vance tha se periudha e përcaktuar në memorandumin e mirëkuptimit fillon nga dita e sotme, pas nënshkrimit të marrëveshjes.
“Do të thosha se periudha 60-ditore zyrtarisht nisi sot. U nënshkrua vonë dhe, teknikisht, për shkak të diferencës kohore, mendoj se është nënshkruar sot sipas kohës së Iranit,” u shpreh Vance.
Sipas tij, ky afat përbën një fazë kyçe në negociatat mes Uashingtonit dhe Teheranit, gjatë së cilës palët pritet të punojnë për detajet përfundimtare të një marrëveshjeje gjithëpërfshirëse.
Deklarata vjen në një moment kur procesi diplomatik SHBA–Iran ka hyrë në një fazë intensive diskutimesh, pas nënshkrimit të një memorandumi të ri mirëkuptimi mes dy vendeve.
Sinjali – aty ku e vërteta flet para lajmit!