Uragani Grace sot herët në mëngjes, goditi shtetin meksikan të prodhimit të naftës Veracruz.
Presidenti Andres Manuel Lopez Obrador, u bëri thirrje qytetarëve të pesë vendeve të kërkojnë strehim.
Mbrëmë, Grace u shpall një uragan i kategorisë 3, me erëra deri në 195 kilometra në orë, njoftoi Qendra Kombëtare e Uraganëve, raporton Reuters.
Presidenti Lopez Obrador konfirmoi në Twitter se mijëra anëtarë të forcave të mbrojtjes civile, Ministria e Mbrojtjes dhe Marinës, si dhe shpërndarja shtetërore e energjisë elektrike, ishin të angazhuar.
“Unë po u kërkoj njerëzve nga rajoni i Veracruz, Puebla, San Luis Potosi, Tamaulipas dhe Hidalgo të kërkojnë strehim në një lartësi më të madhe, me të afërmit ose në strehimore të siguruara,” tha Lopez Obrador.
Në fillim të kësaj jave, Uragani Grace zbarkoi në bregun e Karaibeve të Meksikës, duke shkulur pemë dhe duke shkaktuar ndërprerje të energjisë për gati 700,000 njerëz, por nuk pati viktima, thanë autoritetet meksikane.
Uragani Grace goditi edhe Xhamajkën dhe Haitin, të cilat pësuan një tërmet me magnitudë 7.2, me shi të fortë.
