Komandanti i KFOR-it, Ozkan Ulutash, ka zhvilluar sot vizita në komunën e Mamushës dhe atë të Prizrenit.
Ai ka takuar personelin e KFOR-it të caktuar në dy nga ekipet ndërlidhëse të monitorimit të KFOR-it që veprojnë në mbarë Kosovën.
“Kjo është thelbësore për suksesin e misionit tonë, pasi na lejon të kuptojmë më mirë nevojat e popullatës lokale dhe implikimet e tyre për sigurinë”, ka shkruar ai në platformën X.
