Ukraina mohoi të mërkurën se një raketë hipersonike ruse kishte shkatërruar një sistem të mbrojtjes raketore Patriot të prodhuar nga SHBA gjatë një sulmi ajror në Kiev.
Ministria ruse e mbrojtjes e bëri pohimin të martën pas një sulmi ajror gjatë natës në kryeqytetin ukrainas. Dy zyrtarë amerikanë më vonë thanë se një sistem Patriot ndoshta kishte pësuar dëmtime, por se nuk dukej se ishte shkatërruar.
“Dua të them: mos u shqetësoni për fatin e Patriotit”, tha zëdhënësi i forcave ajrore ukrainase Yuriy Ihnat për televizionin ukrainas.
Ai përjashtoi mundësinë që një raketë ruse “Kinzhal” të rrëzojë një sistem Patriot.
“Të shkatërrosh sistemin me një lloj ‘Kinzhal’, është e pamundur. Gjithçka që ata thonë atje, mund të mbetet në arkivin e tyre propagandistik, “tha ai Reuters.
