Sot rreth orës 18:30 në rrugën ‘Tahir Zemaj’ në qytetin e Pejës ka ndodhur një incident në një objekt ku po kryheshin punime ndërtimore, ku si pasojë është lënduar një punëtor 30-vjeçar, raporton Gazeta Sinjali.
Burimet e Gazetës Sinjali bëjnë të ditur se 30-vjeçari është lënduar në vendin e tij të punës si pasojë e rrëzimit të një vinçi që shërben për bartjen e materialit ndërtimor.
Sinjali mëson nga persona të afërt me punëtorin, se 30-vjeçari si pasojë e lëndimeve të marra i është nënshtruar një intervenimi kirurgjik, por që nuk është diçka serioze dhe ai ndodhet jashtë rrezikut për jetë.
Sinjali do t’iu mbajë të informuar.