Për afro 4 orë, 156 mijë persona kanë aplikuar për ta bërë tërheqjen e 10 për qind të Trustit, shkruan Gazeta Sinjali.

Kështu ka bërë me dije, Fondi i Kursimeve Pensionale përmes një njoftimi për media.

“Shkon në 156 mijë numri i aplikimeve deri në ora 19:50!“, thuhet në njoftimin e Trustit.

Ndryshe, të gjithë ata persona që kanë aplikuar për tërheqjen e 10 përqindëshit në faqen www.trusti10.org, aplikimi do të jetë i vlefshëm.

Zëdhënësi i Trustit, Jeton Demi, ka thënë se të gjithë ata që kanë dyshime se a e kanë kryer aplikimin me sukses, mund ta provojnë edhe njëherë.

“Nëse kanë dyshime kontribuuesit a e kanë kryer aplikimin me sukses, mund ta provojnë të regjistrohen edhe njëherë edhe ju del mesazhi që ju konfirmon atë”, ka thënë Demi, për Gazetën Sinjali.

Sot në orën 15:00 u hap aplikimi për tërheqjen e 10-përqindëshit të kursimeve nga Trusti. Por, zëvendësdrejtori i Trustit, Agron Krasniqi njoftoi se faqja është mbyllur për shkak të sulmeve kibernetike./Gazeta Sinjali/