Presidenti i Shteteve të Bashkuara, Donald Trump, ka qenë një nga figurat më të spikatura në tribunat VIP të stadiumit “New York/New Jersey”, ku po zhvillohet finalja e Kupës së Botës 2026 mes Spanjës dhe Argjentinës.
Trump është parë duke ndjekur ndeshjen i ulur mes bashkëshortes së tij, Melania Trump, dhe presidentit të FIFA-s, Gianni Infantino.
Prania e tij në finalen e madhe ka tërhequr vëmendjen e mediave dhe tifozëve, ndërsa prezantuesit e transmetimit e kanë cilësuar paraqitjen e tij si një moment të veçantë të këtij spektakli sportiv.
Në fushë, Argjentina me Lionel Messin synon të mbrojë titullin e kampionit të botës të fituar në Katar 2022, ndërsa Spanja kërkon trofeun e dytë botëror në histori, pas triumfit të vitit 2010.
Finalja pritet të vendosë përballë dy gjenerata të ndryshme të futbollit, me Messin nga njëra anë dhe yllin e ri Lamine Yamal nga ana tjetër.
Sinjali – aty ku e vërteta flet para lajmit!