Presidenti amerikan Donald Trump ka deklaruar se, në një skenar përballjeje me Iranin, preferenca e tij do të ishte marrja e ishullit Kharg, duke ngritur pikëpyetje mbi gatishmërinë e Shteteve të Bashkuara për një veprim të tillë.
“Nuk e di nëse Amerika ka vullnetin për këtë, për të qenë i sinqertë”, u shpreh ai, duke komentuar një qasje të mundshme strategjike ndaj Iranit.
Në të njëjtën deklaratë, lideri amerikan riktheu edhe kritikat ndaj kurdëve, duke kujtuar mbështetjen ushtarake që SHBA-ja u kishte ofruar në të kaluarën.
“Ne u dërguam armë kurdëve dhe jemi shumë të zhgënjyer me ta. Mendoj se na zhgënjyen. Mendoj se i mbajtën për vete. Është një turp. Do ta mbaj mend këtë”, tha Trump.
Deklaratat e tij pritet të nxisin reagime të reja në debatin politik dhe atë të sigurisë ndërkombëtare, veçanërisht në raportet e SHBA-së me aktorët në Lindjen e Mesme.
Ndërkohë, SHBA-ja dhe Irani kanë rifilluar sulme sporadike, pavarësisht se më herët kishin arritur një armëpushim.
Sinjali – aty ku e vërteta flet para lajmit!