Presidenti i Shteteve të Bashkuara ka rikthyer tensionet tregtare me Evropën, duke paralajmëruar vendosjen e tarifave deri në 100% ndaj vendeve që aplikojnë taksa digjitale mbi kompanitë amerikane.
Donald Trump deklaroi në platformën e tij “Truth Social” se çdo shtet që vendos ose mban taksa digjitale do të përballet me tarifa të rënda për të gjitha eksportet drejt SHBA-së. Sipas tij, këto masa do të zëvendësonin marrëveshjet ekzistuese tregtare dhe do të zbatoheshin në mënyrë të gjerë për mallrat e importuara.
Deklaratat kanë shkaktuar reagime të menjëhershme nga Bashkimi Evropian, i cili i ka cilësuar kërcënimet si të pajustifikuara dhe në kundërshtim me parimet e tregtisë ndërkombëtare.
European Union theksoi se shtetet anëtare kanë të drejtë sovrane të rregullojnë sistemin e tyre fiskal dhe ekonomik, përfshirë taksat ndaj ekonomisë digjitale, duke shtuar se çdo masë e njëanshme do të përballet me reagim të shpejtë dhe të vendosur.
Brukseli kujtoi gjithashtu se po synohet një zgjidhje globale për taksimin e drejtë të kompanive teknologjike, në bashkëpunim me partnerët ndërkombëtarë, përfshirë G7-ën.
Ndërkohë, tensionet vijnë në një moment kur BE-ja dhe SHBA-ja kishin ndërmarrë hapa drejt lehtësimit të disa barrierave tregtare, duke ngritur shqetësime për një përshkallëzim të ri të marrëdhënieve ekonomike mes dy palëve.
Sinjali – aty ku e vërteta flet para lajmit!