Shumëkush vendos të fillojë vrapimin për të humbur kilogramët e tepër dhe për t’u kthyer në formë, mirëpo fillestarët duhet t’u kushtojnë vëmendje disa gjërave, transmeton Gazeta Sinjali.

Vrapimi konsiderohet si një prej formave më të mira të ushtrimeve për të përmirësuar gjendjen fizike dhe mendore, ndërsa vrapimi i rregullt forcon eshtrat, muskujt dhe përmirëson gjendjen e sistemit kardiovaskular.

Veç kësaj ndihmon në kontrollimin e stresit dhe humbjen e peshës. Megjithatë, nëse keni vendosur të filloni vrapimin ndiqni tri këshilla për të krijuar një shprehi të shëndetshme.

Pajisjet janë shumë të rëndësishme, prandaj investimi në atlete dhe rroba të reja mund të jetë një motiv për të vrapuar. Atletet duhet të jenë të rehatshme dhe të kenë shtojca të buta në thembra që zbutin goditjen. Rrobat që vishni duhet të jenë të lehta dhe ajrosëse.

Ngrohja, ftohja dhe rigjenerimi duhet të jenë pjesë e rutinës. Ngrohja është e rëndësishme për të përmirësuar qarkullimin, për të zvogëluar ngurtësinë dhe për të zvogëluar rrezikun e lëndimit. Ngrohja mund të jetë një shëtitje ose zgjatje për pesë deri në dhjetë minuta.

Gjithashtu, ftohja pas vrapimit nuk duhet të lihet anash pasi është e rëndësishme të ktheni pulsin normal. Shëtitja e përmendur do të jetë e mjaftueshme. Ju mund të vraponi çdo ditë tjetër për t’i dhënë trupit një pushim dhe për t’u përshtatur me presionin në sistemin tuaj kardiovaskular, ndërsa për të përgatitur muskujt dhe kockat tuaja për vrapimin tjetër.

Fillestarët duhet të fillojnë ngadalë, pa distanca të gjata. Vrapimi afatshkurtër me intervale të ecjes këshillohet, sepse ndihmon trupin të rikuperohet. Filloni të vraponi me një ritëm të moderuar dhe mbajeni atë gjatë gjithë kohës. Me kalimin e kohës, ritmi dhe distanca mund të rriten. /Gazeta Sinjali/