KB Trepça ka triumfuar edhe në ndeshjen e dytë gjysmëfinale ndaj KB Prishtinës, duke iu afruar tashmë edhe më shumë finales së Play-Off.
Mitrovicasit shënuan fitore në fund të ndeshjes, me rezultat 86-85.
Më i dalluari i ndeshjes ishte Darnell Edge, i cili shënoi 28 pikë, duke i realizuar edhe pikët vendimtare që sollën triumfin e klubit të tij.
Trepça tani kryeson 2-0 në seri ndaj Prishtinës teksa është një fitore larg për të prekur finalen, ku do të luajë ndeshjen pranë shikuesve të vet.