Monumenti në Parkun e Liqenit për viktimat e grushtit të shtetit në Turqi, është gjetur i thyer mëngjesin e sotëm. Siç dallohet edhe nga foto krahu i djathtë i pllakës përkujtimore është thyer qëllimisht.

Monumenti u ngrit më 15 korrik, në 3-vjetorin e grushtit të dështuar të shtetit në Turqi. Në fillim, në mënyrë krejt të pazakontë, Bashkia e Tiranës e mbajti të fshehtë ngritjen dhe pastaj u bë një ceremoni e madhe inaugurimi për memorialin.

Sipas dëshmitarëve, një i ri theu monumentin rreth orës 06:00 të mëngjesit duke përdorur një levë.Vendosja e kësaj pllake përkujtimore, solli debate të shumta në vend, aq sa u kërkua edhe heqja e saj.