Një nxënës i shkollës fillore “Kongresi i Manastirit” në fshatin Gllamnik, Komuna e Podujevës është therur me mjet të mprehtë nga një i mitur, po ashtu nxënës i kësaj shkolle, raporton Gazeta Sinjali.

Sipas Policisë së Kosovës, të dy këta kishin pasur një fjalosje mes vete e cila ka përfunduar me therje.

Ngjarja ka ndodhur sot rreth orës 10:30 në mëngjes, shkruan Gazeta Sinjali.

Në njoftimin e Policisë së Kosovës thuhet se viktimës i është ofruar ndihmë mjekësore, ndërsa i dyshuari është shoqëruar për në statcionin policor dhe aktualisht në konformitet me dispozitat për trajtimin e të miturve po procedon më tej me rastin, për të ndriçuar rrethanat e ngjarjes./Gazeta Sinjali/