Policia e Kosovës ka njoftuar sot rreth orës 17:00, një person, rreth 17-vjeçar, është therur me thikë në një autobus në Prishtinë, shkruan Gazeta Sinjali.
Lajmin për Gazetën Sinjali e ka konfirmuar Policia e Kosovës, si dhe kanë bërë të ditur se personi i lënduar është dërguar për trajtim mjekësor.
“Rreth orës 17:00 është raportuar rasti Lëndim Trupor ( therje me thikë) në një autobus i cili ndodhej në rrugën Agim Ramadani në Prishtinë. Mbështetur në informatat e para dyshohet se një person (mashkull rreth 17 vjeçar) ka marrë lëndime trupore nga një armë e ftohtë (thikë). Personi i lënduar është dërguar për trajtim mjekësor, ndërkohë që policia ka filluar ndërmarrjen e veprimeve të nevojshme hetimore me qëllim lokalizimin e vendndodhjes së personave të dyshuar, si dhe sqarimin e rethanave që lidhen me rastin.”