Dy persona të moshës 19-vjeçare janë therur me thikë në Prizren, në një incident që ka ndodhur pas mesnate.
Lidhur me rastin, Spitali i Përgjithshëm në Prizren “Prim. Dr. Daut Mustafa” ka bërë të ditur gjendjen shëndetësore të të lënduarve.
Sipas njoftimit, njëri prej pacientëve ka marrë disa plagë në shpinë dhe në regjionin e belit, ku pas trajtimit fillestar në Emergjencë dhe ekzaminimeve mjekësore, është pranuar për trajtim të mëtejmë në Repartin e Kirurgjisë.
Ndërsa pacienti i dytë ka pësuar një plagë në kofshën e djathtë. Pas trajtimit në Emergjencë dhe përpunimit të plagës, ai është liruar për në shtëpi.
Autoritetet mjekësore kanë bërë të ditur se njëri nga të lënduarit po vazhdon trajtimin spitalor, ndërsa tjetri është në gjendje stabile.
Sinjali – aty ku e vërteta flet para lajmit!