Mëngjesin e sotëm, qarku i Dibrës u trondit nga lëkundje tërmeti, më e forta me magnitudë 4.7 që shkaktuan dëme në 16 banesa.
Autoritetet në Shqipëri njoftojnë se nga tërmeti i orës 08:34 janë evidentuar deri më tani disa banesa të dëmtuara pjesërisht dhe në strukturë si më poshtë:
-5 banesa në njësinë administrative Fushë-Bulqizë
-3 banesa në njësinë administrative Ostren
-3 banesa në njësinë administrative Gjoric
-1 banesë në njësinë administrative Shupenzë
-1 banesë në njësinë administrative Bulqizë
-1 banesë në njësinë administrative Zerqan
Tutje në njoftim thuhet se puna po vijon për të identifikuar të gjitha pasojat. Ndërsa nga lëkundjet e orës 12:23 me magnitudë 3.6 të shkallës Rihter me epiqendër rreth njësisë Kastriot Dibër, nuk ka raportime për dëme në banesa, përveç 2 banesave të vjetra dhe të amortizuara, shoqëruar me çarje muresh.
