image Tentuan t’i godasin me traktorë policët pasi i kapën me drunj, arrestohen dy të dyshuar - ik i treti

Siguri

Tentuan t’i godasin me traktorë policët pasi i kapën me drunj, arrestohen dy të dyshuar – ik i treti

news image

Policia e Kosovës ka arrestuar dy persona në Ferizaj, pasi që dyshohet se kanë tentuar t’i godasin me traktorë policët që janë përpjekur t’i ndalojnë pasi që kishin vërejtur tre traktorë të ngarkuar me drunj, raporton Gazeta Sinjali.

Përmes një postimi në Facebook, Policia ka bërë me dije se dy të dyshuar janë arrestuar, e një ka arritur të ikë.

“Policia ka arritur që të arrestojë dy prej tyre, ndërsa gjatë arrestimit i kanë rezistuar policisë dhe dy pjesëtarët e policisë kanë pësuar lëndime trupore, të cilët kanë pranuar tretman mjekësor në Qendrën Emergjente në Ferizaj, e më pas janë liruar. Të dyshuarit janë shoqëruar në stacionin e policisë në Ferizaj dhe pas intervistimit nga hetuesit rajonal me vendim të prokurorit kujdestar nga Prokuroria Themelore në Ferizaj janë dërguar në mbajtje për 48 orë për procedura të mëtejme hetimore, ndërsa në kërkim policor është edhe personi i tretë. Si prova materiale janë sekuestruar dy traktorët me drunjë dhe tri motorsharra”, thuhet në njoftim.

Njoftimi i plotë:

Arrestohen dy persona për sulm ndaj pjesëtarëve të policisë

Me datën 07.05.2024 rreth orës 20:45 gjatë patrullimit policët e Njësisë së Reagimit të Shpejtë në fshatin Dremjak të Ferizajt kanë vërejtur tre traktorë të ngarkuar me drunjë dhe në përpjekje për ti ndaluar ata kanë rrezikuar pjesëtarët e policisë, duke tentuar ti godasin me traktorë dhe kanë vazhduar rrugën duke u futur ndaras në rrugica malore dhe dy prej tyre janë bllokuar, ndërsa njëri ka aritur të ikë në drejtim të panjohur .

Policia ka arritur që të arrestojë dy prej tyre, ndërsa gjatë arrestimit i kanë rezistuar policisë dhe dy pjestarët e policisë kanë pësuar lëndime trupore, të cilët kanë pranuar tretman mjekësor në Qendrën Emeregjente në Ferizaj, e më pas janë liruar.

Të dyshuarit janë shoqëruar në stacionin e policisë në Ferizaj dhe pas intervistimit nga hetuesit rajonal me vendim të prokurorit kujdestar nga Prokuria Themelore në Ferizaj janë dërguar në mbajtje për 48 orë për procedura të mëtejme hetimore, ndërsa në kërkim policor është edhe personi i tretë.

Si prova materiale janë sekuestruar dy traktorët me drunjë dhe tri motorsharra .

/GazetaSinjali/