Shefi i diplomacisë evropiane, Josep Borrell, ka bërë të ditur se Misioni i BE-së për Sundimin e Ligjit, EULEX, është përforcuar me trupa shtesë.
Borrell përmes një postimi në Twitter, ka bërë të ditur se kjo po bëhet për të siguruar stabilitetin në vend, ku zbarkuan xhandarët carabinier.
“Në këto kohë të tensionuara në Kosovë, Misioni i BE-së për Sundimin e Ligjit #EULEX përmbush detyrën e tij për të siguruar stabilitet: @Eurogendfor xhandarët nga @Carabinieri zbarkuan sonte për të përforcuar përkohësisht Njësinë e Formuar të Policisë së @EULEXKosovo”, ka shkruar ai.
Sipas Borrell, EULEX-i do të vazhdojë të mbështesë një mjedis të sigurt dhe të sigurt.
