Organi Shqyrtues i Prokurimit (OSHP) përmes një vendimi e kishte gjobitur Ministrinë e Shëndetësisë me 5 mijë euro për shkak të shkeljeve të vazhdueshme ligjore që këta kanë bërë në tenderin për furnizim me Insulina, e ku vlerësohet se dëmi i shkaktuar buxhetit të Kosovës është mbi 500 mijë euro.
Kompania “Pharma Leader” përmes një letre ka sqaruar procesin e tenderit maratonik për furnizim me insulina analoge.
Ata thonë se kanë pasur oferta më të lira se kompania “Meditech”.
Sipas “Pharma Leader”, MSH-ja ka favorizuar në tenderë kompaninë “Meditech” e cila sipas tyre ka pas çmime të shtrenjta të insulinave. kështu duke krijuar monopol në tregun farmaceutik.
Letra e plotë:
Tenderi për furnizim me insulina është hapur më 5 janar 2021, ku në komision të hapjes bazuar në procesverbal kanë qenë: Berat Marmullaku, Besim Bajraktari si dhe zyrtari kryesor i Prokurimit Ismet Hyseni.
Më 22.02.2021 përmes letrës stardarde të dërguar nga Ministria e Shëndetësisë jemi njoftuar se jemi fitues të dy lotëve të këtij tenderi. Për lotin 1 ne jemi shpallur fitues me çmim prej 1,097,467.36 euro, deri sa kompania tjetër në garë “Meditech” kishte ofertuar me 1,144,726.72, apo 47,249 euro më shumë se sa kompania jone.
Deri sa për lotin 3 kompania “Pharma Leader” ishte shpallur fitues me çmim prej 4,109,006.12, deri sa kompania tjetër që ishte në garë “Meditech” kishte ofertuar me 4,456,908.24, apo 347,902.00 euro më shumë se sa kompania jone.
Pra, për dy lotët 1 dhe 3 kompania “Pharma Leader” ishte më e lirë për 395,151.00 euro.
Pas ankesës së Operatorit Ekonomik “Meditech” në zyrën e Prokurimit në Ministrinë e Shëndetësisë, duke shkelur dosjen e tenderit, ligjin dhe udhëzimet në fuqi, komisioni tjetër fitues të këtyre dy lotëve shpalli kompaninë “Meditech” me çmim më të lartë prej 395,151.00 euro në raport me ofertën e kompanisë sonë “Pharma Leader”.
Të pa kënaqur me vendimin në fjalë dhe bazuar në ligjet ne fuqi kemi kërkuar të drejtën tonë përmes ankesës në zyrën e Prokurimit në Ministrinë e Shëndetësisë dhe më pas në Organin Shqyrtues të Prokurimit, por pavarësisht vendimeve që gjithmonë ishin në favor tonin (Dy vendime te OSHP-së, 3 ekspertiza të ekspertëve shqyrtues të OSHP-së) zyra e Prokurimit e Ministrisë së Shëndetësisë nuk e ka shpallur fituese ofertën e kompanisë sonë, por kanë insistuar që fitues të mbajnë kompaninë “Meditech”, duke ruajtur kështu monopolin gati prej dy dekada për furnizim me insulina të shtrenjta.
Në pamundësi që ta arrijnë qëllimin duke shpallur fitues kompaninë “Meditech” së fundi zyra e Prokurimit ka marrë vendim për anulimin e këtij procesi të prokurimit.
Në serish për ketë veprim antiligjor jemi ankuar njëherë në ministrinë e Shëndetësisë dhe më pas në Organin Shqyrtues të Prokurimit, ku kjo e fundit ka nxjerr një vendim për aprovim të ankesës sonë, gjobitje të zyrës së prokurimit të ministrisë së Shëndetësisë me 5,000.00 euro si dhe kanë kërkuar që zyrtarit kryesor të Prokurimit t’i revokohet licenca për shkelje të vazhdueshme të Ligjit të Prokurimit, deri sa sipas vendimit të OSHP-së ankesa e Operatorit Ekonomik “Meditech” është refuzuar si e palejuar, pasi që është bërë jashtë afatit ligjor të paraparë.
Por, ndonëse jemi në ditët e fundit të afatit ligjor për rivlerësim të tenderit, një gjë e tillë ende nuk ka ndodhur, por përkundrazi gjatë kësaj kohe kanë vazhduar sulmet e koordinuara ndaj kompanisë tonë që ne këtë proces prokurimi ka ofertuar më insulinat e prodhuesit të njohur amerikan të Insulinave “Eli Lilly” te cilat janë një prej liderëve në tregun botëror sa i përket cilësisë dhe sigurisë dhe kjo kompani është kompania e pare qe e ka zbuluar dhe patentuar këtë lloj te Insulinave (Insulinat Analoge).
Grupet kriminale po tentojnë të bëjnë presion publik mbi organet vendimmarrëse, ndonëse bazuar në ligjet në fuqi për ndryshimin e vendimeve të Organit Shqyrtues të Prokurimit kompetente është vetëm Gjykata.
Thyerja e monopolit të furnizimit me insulina të shtrenjta ka aktivizuar grupet kriminale të cilat duke shkelur ligjet, udhëzimet, kushtetutën e çka do tjetër po tentojnë të vazhdojnë plaçkitjen e buxhetit të shtetit.
Siç edhe dihet thyerja e monopoleve gjatë viteve të kaluara ka ndikuar direkt në kursimin e buxhetit të shtetit, edhe atëherë grupet e njëjta kriminale ishin munduar të inskenojnë skena nga më të ndryshmet por përpjekjet e tyre kanë rezultuar si të pasuksesshme.
Andaj si kompani e themi me përgjegjësi të plotë se jemi krenar dhe mburremi se ne kemi arritur të përfaqësojmë dhe të marrim Licence Importi për të sjell të pacientet kosovare insulinat e prodhuesit të njohur amerikan “Eli Lilly” i cili është lider për cilësi në tregun amerikan dhe atë Evropian, pasi si e tillë kjo është e regjistruar në EMA – Eurpean Medicines Agency, FDA – Food and Drug Administration, ne te gjitha vendet e BE-se dhe ne shumë vende tjera te botes.
Kjo Licence Importi është marre bazuar ne Ligjin për Produkte dhe Pajisje Medicinale dhe aktin nënligjor UA 02/2014 I cili është i formuluar ne atë mënyre qe për te importuar një produkt pa paralel ne mënyre te sakte specifikon kushtet qe duhet ti plotësoje një produkt për te fituar te drejtën e importit, edhe këtë duke specifikuar sakte se produkti mund te importohet vetëm nëse seria e njëjtë e atij produkti është në qarkullim në BE dhe nuk lejohet nga vendet tjera, me çka sigurohet që ky produkt I ka kaluar të gjitha filtrat e kontrollit të cilësisë, kualitetit dhe sigurisë në vendet e BE-së për përdorim të pacientët, pra ne ofrojmë produktet me numra serik të njëjtë të cilat janë në përdorim në vendet e BE-së.
Përpos këtij produkti përmes këtij Udhëzimi Administrativ importohen edhe shumë produkte tjera të rëndësisë së veçantë për trajtimin e pacientëve.
P.S: Për të vërtetuar dhe kundërshtuar pretendimet që po bëhen për të shkaktuar frikë dhe konfuzion te opinion publik po ju bashkëngjisim edhe dy shkresa të dërguara nga Vice Presidenti I kompanisë Elli Lilly & Co. drejtuar Ministrisë së Shëndetësisë ku deklaron se edhe Kosova është e përfshirë ne tregun që kjo kompani frunizon.
