Emisari Special i Bashkimit Evropian për dialogun Kosovë-Serbi, Miroslav Lajçak ka qëndruar sot në Beograd, ku është pritur për takim nga presidenti serb, Aleksandar Vuçiq.
Lajçak përmes një postimi në Twitter, ka diskutuar për dialogun, kthimin e serbëve në institucione dhe tema të tjera.
“Në Beograd, sot diskutuam për rrugën përpara drejt normalizimit si vazhdim i debatit për Dialogun me presidentin Aleksandar Vuçiq. Folëm edhe për çështjet aktuale, përfshirë kthimin e servëve të Kosovës në institucione, udhërrëfyesin për energjinë dhe perzonat e zhdukur”, ka njoftuar Lajçak.
Lajçak kishte thënë se pas diskutimeve të nevojshme, do të përgatitet takimi i radhës mes Kryeministrit Albin Kurti dhe Presidentit Aleksandar Vuçiq.
Është raportuar se Lajçak nesër do të qëndrojë për vizitë në Prishtinë, mirëpo një gjë e tillë nuk është konfirmuar ende nga Lajçak e as nga Qeveria e Kosovës.
