Kryetari i Partisë Demokratike, Sali Berisha ka reaguar për takimin që është duke u mbajtur në Bruksel në mes të Kurtit dhe Vuçiq, me ndërmjetësimin e Bashkimit Evropian.
Berisha përmes një postimi në Facebook, i ka uruar sukses palëve që janë në takim.
“Miq, në Bruksel po zhvillohet takimi trilateral midis BE, Kosovës, Serbisë për marrëveshjen bazë midis këtyre dy të fundit, shumë e rëndësishme për marrëdhëniet midis dy vendeve dhe rajonin tonë. Le të urojmë suksese takimit të palëve!” – ka shkruar Berisha në Facebook.
