Sindikata e Punëtorëve Shëndetësor të QKUK-së ka njoftuar se ka ndodhur një sulm ndaj një infermieri në Klinikën e Onkologjisë.
“SPSH dënon ashpër sulmin fizik ndaj infermierit në Klinikën e Onkologjisë në QKUK, i cili ishte në vendin e tij të punës dhe po kryente detyrën zyrtare në shërbim të pacientëve”, thuhet në reagim.
Sindikata ka deklaruar se sulmet e tilla ndaj punëtorëve shëndetësor në vendet e tyre të punës janë shqetësuese dhe të papranueshme.
“Ndërsa tolerimi i tyre krijon precedent të rrezikshëm për të ardhmen duke nxitur pasiguri në punë në mesin e komunitetit infermieror. Ftojmë QKUK të rrisë kapacitetet dhe masat e sigurisë fizike për punëtorët shëndetësor në vendet e tyre të punës, ndërsa organet kompetente që të zbardhin rastin dhe kryesit e kësaj veprave frikacake dhe të turpshme të marrin dënimin e merituar, në mënyrë që rastet e tilla të mos përsëriten më”, thuhet në fund.
