Ekipi i ATV-së është sulmuar me gurë nga disa persona të maskuar në Zveçan.
Nga ky rast lëndime trupore kanë pësuargazetari Fatlum Jashari dhe kameramani Blend Thaçi, si dhe iu janë thyer xhamat veturës.
Lajmi është bërë i ditur nga Asociacioni i Gazetarëve të Kosovës.
“Asociacioni i Gazetarëve të Kosovës vazhdon të jetë i shqetësuar për ekipet e medieve që po raportojnë nga veriu i vendit, andaj ju bëjmë thirrje Policisë së Kosovës, dhe prezencës ndërkombëtare atje të krijojnë kushte më të mira për ta”, thuhet në njoftimin e AGK-së.
