Ministrja e Jashtme e Kosovës, Donika Gërvalla ka reaguar pas raportimeve se dy raketa ruse kanë rënë në territorin e Polonisë, duke lënë të vrarë dy persona.
Gërvalla përmes një postimi në Twitter, i ka bërë thirrje Bashkimit Evropian që të jetë më e vendosur për ta ndalur presidentin rus, Vladimir Putin përpara se ta sjell luftën në tërë kontinentin.
“Të pikëlluar nga humbja e dy jetëve në Poloni, të cilët janë goditur nga raketat ruse. Jemi me familjet e tyre, Kosova qëndron krah Polonisë kundër regjimit të Putin. BE duhet të veprojë më vendosmërisht për ta ndalur Putinin, përpara se ai dhe instrumentet e tij të sjellin luftën në tërë kontinentin”, ka shkruar Gërvalla.
Në orët e pasdites së sotme, raportohet se dy nga raketat ruse kanë goditur Poloninë në zonën kufitare me Ukrainën. Për pasojë, kanë mbetur dy të vdekur.
Qeveria polake ka thirrur një mbledhje urgjente të Këshillit Kombëtar të Sigurisë, ndërkohë që liderët botërorë janë duke marrë informacionet për ngjarjen, përpara se të dalin me qëndrime dhe të ndërmarrin veprime