Sekretari i Përgjithshëm i NATO-s, Jens Stoltenberg u zotua se aleanca do të takohet për ta mbështetur me armë Ukrainën këtë javë.
“NATO nuk është palë në konflikt. Por mbështetja jonë po luan një rol kyç”, tha ai gjatë një konference për shtyp.
Të mërkurën, ministrat e mbrojtjes të NATO-s do të ftojnë homologun e tyre ukrainas për të “diskutuar sistemet e avancuara të mbrojtjes ajrore dhe aftësitë e tjera në Ukrainë, dhe unë pres me padurim dërgesat e mëtejshme”, tha Stoltenberg.
“Ukraina ka momentumin dhe vazhdon të ketë fitime të rëndësishme, ndërkohë që Rusia po përdor gjithnjë e më shumë sulme të tmerrshme dhe pa dallim ndaj civilëve dhe infrastrukturës kritike. Presidenti Putin po dështon në Ukrainë”, shtoi Stoltenberg.
Duke iu referuar kërcënimeve të fshehta të presidentit rus Vladimir Putin për një sulm bërthamor, Stoltenberg tha se “Rusia e di se lufta bërthamore nuk mund të fitohet dhe nuk duhet të luftohet kurrë”.
