Janë bërë mbi dy vjet e gjysëm që kishin nisur punimet për renovimin e objektit të Prokurorisë Speciale të Kosovës, ku ishin dhënë rreth një milionë euro dhe se mezi tash punimet janë finalizuar, raporton Gazeta Sinjali.
PRSK-ja nga vera e vitit 2020 po zhvillojnë veprimtarinë në një objekt me qira që thuhet se po paguhet nga rreth 10 mijë euro për muaj.
Derisa burimet e Gazetës Sinjali tregojnë se puna aty po kryhet në kushte jo adekuate. PSRK-ja funksionon në objekt privat dhe nuk ka kushte adekuate për punë.
Deri sa thuhet se objekti tash është gati dhe pritet së shpejti PSRK-ja të kthehet te objekti i saj.
“Objekti Prokurorisë Speciale të Kosovës është afër funksionalizimit dhe pritet të lëshohet në përdorim së shpejti”, thonë nga KPK-ja.
Në këtë objekt pos Prokurorisë Speciale pritet të kaloi edhe Këshilli Prokurorial apo Prokuroria e Shtetit.
Këshilli Prokurorial Prokurori i Shtetit, kishte shpallur tender për renovimin e atij objekti, ku tenderi 998 mijë e 800 euro i ishte besuar kompanisë Nbt ing.
E punimet renovuese kishin nisur në gusht të vitit 2020, derisa ndaj kompanisë punë kryese kishin nisur edhe hetimet nën dyshimet se përdoren dokumentacione të falsifikuara gjatë tenderimit.
Pas hetimit, organet e ndjekjes dhe hetuesisë me 4 dhjetor të vitit 2020 ishte arrestuar i dyshuari pronari i kompanisë.
Projekti ishte shpallur me procedura të prokurimit përmes tenderimit nga njësia përkatëse e Këshillit Prokurorial të Kosovës. Punimet kishin filluar në muajin gusht 2020, derisa ishin ndërprerë pastaj.
Krahas arrestimit ishin ndaluar edhe punimet.
Duke u gjendur në këtë situatë KPK-ja kishte shpallur sërish tenderë t ë cilin e kishte fituar një kompani tjetër Olti trasing në vlerë rreth 600 mijë euro dhe e cila ka realizuar renovimin e objektit dhe se tash është duke u bërë pranimi teknik nga Ministria e Punëve të brendshme dhe së shpejti pritet që objekti do të jetë në funksion.
Prokuroria Speciale e Republikës së Kosovës ka vazhduar veprimtarinë e saj të paraparë me ligj jashtë objektit të vet, deri sa të krijohen kushtet që personeli i PSRK-së të kthehet në objektin e vet.
“Lidhur me këtë çështje është vepruar sipas akteve ligjore të cilat e rregullojnë fushën kontraktuale në Republikën e Kosovës. Andaj, çdo veprim që është marr, është bërë konform akteve ligjore dhe vendimeve të organeve kompetente”, thonë për Gazetën Sinjali nga Këshilli Prokurorial.
