Në Gjykatën Speciale në Hagë sot do të vazhdojë procesi gjyqësor ndaj ish-pjesëtarit të Ushtrisë Çlirimtare të Kosovës (UÇK), Salih Mustafa.

Seanca gjyqësore ndaj Mustafës do të fillojë në orën 09:30.

Salih Mustafa është i arrestuari i parë nga Specialja. Në deklarimin e tij para trupit gjykues është deklaruar i pafajshëm.

Aktakuza ndaj Mustafës është konfirmuar më 12 qershor 2020, ndërsa ai u arrestua më 24 shtator të vitit të kaluar, me pretendimin për krime lufte dhe kundër njerëzimit dhe u dërgua në objektin e paraburgimit në Hagë. /Gazeta Sinjali/